:ߕߟߋ߬ߖߌ߰ߞߊ ߟߊ߫ ߒߞߏ߫ ߢߊߢߌߣߌ߲ 

ߊ߬ ߕߎ߬ߡߊ߬ ߖߊ߲߫ ߠߋ߬ ߣߌ߲߬ ߸ ߕߟߋ߬ߖߌ߰ߞߊ ߟߎ߬ ߜߘߌ߫ ߟߊ߫ ߞߊ߬ ߣߊ߬ ߒ߬ ߓߘߊ ߟߎ߬ ߘߐ߫ ߦߏ߫ ߒ߬ ߝߣߊ߫ ߦߋ߫ ߜߘߌ߫ ߟߊ߫ ߞߊ߬ ߕߊ߯ ߊ߬ߟߎ߬ ߓߘߊ ߟߎ߬ ߘߐ߫ ߢߊ ߡߍ߲، ߞߏ߬ߣߌ߲߬ ߊ߲ ߓߍ߯ ߦߋ߫ ߕߊ߯ ߟߊ߫ ߡߍ߲ ߞߊߡߊ߬ ߢߐ߲߮ ߓߘߊ ߏ߬ ߟߋ ߓߐߣߍ߲߫ ߢߐ߲߮ ߡߊ߬ ߣߍ߲ߞߍ߫ ߥߟߊ߫ ߓߊߞߍ߫، ߞߵߏ ߞߎ߲߭ ߞߍ߫ ߊ߲ ߕߊ߯ߢߊ ߘߌ߫ ߓߍ߯ ߌ ߕߊ߫ ߘߊߓߐ߫ ߟߊ߫ ߡߍ߲ ߞߊߡߊ߬، ߊ߬ ߓߌ߬ ߝߐߟߌ߫ ߘߐ߫ ߞߊ߬ ߓߍ߲߬ ߘߎߢߊ߫ ߘߐߕߍ߰ ߢߊ ߖߐ߯ߙߊ߲ ߣߴߊ߬ ߡߍ߲ߘߌߦߊ߫ ߞߏ ߟߎ߬ ߟߊߛߌߦߊߦߊ ߞߍߢߊ ߡߊ߬ ߕߟߋ߬ߖߌ߰ߞߊ ߓߘߊ ߸ ߞߵߏ߬ ߡߊߛߐ߬ߘߐ߲߬ ߓߊ߯ߙߊ߫ ߞߟߊ߬ߥߟߎ ߝߍ߬ ߊ߬ߟߎ߬ ߓߘߊ߫ ߡߍ߲ ߞߍ߫ ߞߏߢߊ ߓߍ߯ ߟߊߘߍ߬ߣߍ߲ ߘߏ߫ ߘߐ߫، ߢߊߟߐ߲ ߣߌ߫ ߗߌ߬ߦߊ ߣߌ߫ ߝߍ߬ߙߍ ߟߊ߫، ߞߵߏ߬ ߟߴߊ߬ ߛߋߒߞߏߟߊߘߐߦߊ߫ ߞߟߊ߬ߥߟߎ ߣߌ߲߬ ߞߊ߲߬ ߒ߬ ߓߍ߯ ߢߊ߯ ߡߍ߲ ߠߴߊ߬ߟߎ߫ ߝߏ߲߬ߝߏ߲߬ߠߊ ߘߐ߫ ߊ߬ߟߎ߬ ߓߘߊ ߣߌ߫ ߦߙߐ ߕߐ߭ ߟߎ߬ ߘߐ߫ ߸ ߏ߬ ߟߋ ߓߍ߯ ߓߘߊ߫ ߞߍ߫ ߛߊߓߎ߫ ߢߌߡߊ߫ ߘߌ߫ ߞߊ߬ ߒ߬ߠߎ߬ ߞߎ߲ߝߊ߲߫ ߤߙߊ߫ ߘߐ߫ ߞߏ ߏ߬ ߓߍ߯ ߟߊ߫ ߞߵߊ߬ ߓߍ߯ ߣߊ߬ߕߊ߫ ߒ߬ ߖߘߍ߬ ߢߍ߫ ߞߊ߬ ߥߟߌ߬ ߞߊ߬ ߜߘߌ߫ ߞߊ߬ ߒ߬ ߞߎ߲߬ ߟߴߊ߬ߟߎ߬ ߓߘߊ ߟߎ߫ ߞߊ߲߬ ߛߊ߫ ߒ߬ ߘߌ߫ ߘߏ߫ ߛߐ߬ߘߐ߲߫ ߊ߬ ߞߎ߲߬ߠߊ߬ߘߌߦߊ ߣߴߊ߬ ߓߍ߲߬ߛߋ߲߬ߡߊ߬ ߟߐ߲ߠߌ߲ ߠߎ߬ ߘߐ߫ ߞߵߊ߬ ߛߊ߲ߓߊ߬ ߛߏ߫، ߞߏ߬ߣߌ߲߬ ߥߊߦߌߞߊ߫ ߸ ߕߎ߬ߓߊ߬ߓߎ ߓߘߊ߫ ߛߋ߫ ߘߊߞߎ߲ ߡߍ߲ ߘߐ߫ ߣߌ߲߬ ߓߌ߬ ߛߋߒߞߏߟߊߘߐߦߊ ߘߐ߫ ߸ ߏ߬ ߓߘߊ߫ ߞߍ߫ ߖߌ߲߬ ߟߐ߬ߣߍ߲ ߘߌ߫ ߊ߬ ߣߌ߫ ߡߐ߱ ߟߎ߬ ߕߍ߫ ߡߍ߲ ߠߊߕߊ߬ߡߌ߲߬ ߜߏߡߊ߲߫ ߊ߬ ߝߙߋߞߋ ߓߟߏ߫ ߸ ߏ߬ ߟߋ ߓߘߊ߫ ߒ߬ ߛߘߍߡߊ߲߫ ߖߌ߰ߕߍ߰ ߞߊ߬ ߘߌ߬ߢߍ߬ ߒ߬ ߕߏ ߡߊ߬ ߞߐ߫ ߸ ߞߊ߬ ߒ߬ ߞߍ߫ ߡߍ߬ߡߍ߬ߟߌ߬ߟߊ ߟߎ߬ ߘߌ߫ ߞߊ߬ ߥߟߏߒߘߐ߫ ߞߏ ߢߊߢߌߣߌ߲ ߣߴߊ߬ ߓߊ߯ߙߊ ߓߍ߯ ߘߊߓߌ߬ߟߊߴߊ߬ ߝߐߒߛߌߟߊ ߘߐ߫. .. ߞߵߊ߬ ߕߘߍ߬ ߜߎߊ߬ߟߎ߬ ߝߣߊ߫ ߕߘߍ߬ ߣߊ߬ ߟߊ߫ ߒ߬ ߓߘߊ ߝߘߊ߬ߝߌ߲߬ ߠߊ߫ ߕߋ߲߬ ߠߋ߬ ߞߊ߬ ߟߐ߲ߠߌ߲ ߠߎ߬ ߣߌ߫ ߛߋߒߞߏߟߦߊ ߢߌߣߌ߲߫ ߞߊ߬ ߛߊ߬ߦߌ߲߫ ߊ߬ߟߎ߬ ߓߘߊ، ߞߏ߬ߣߌ߲߬ ߌ ߞߊߣߊ߬ ߖߌ߰ߕߍ߰ ߸ ߛߊ߲ߖߌ߫ ߀߀߂ ߕߊ߬ߡߌ߲߬ߣߍ߲ ߢߌ߲߬ ߠߊ߫ ߛߏߡߐ߯ߦߊ߫ ߘߍ߰ߦߊ߬ߣߍ߲ ߠߋ߬، ߊ߲ ߓߍ߯ ߕߊ ߟߋ߬ ߸ ߌߟߋ ߌ ߞߊߘߊ߲߫ ߌ ߡߊߝߊ߲߭ ߞߊ߲߬ ߊ߬ ߢߊߢߌߣߌ߲ ߘߐ߫ ߕߎ߲߫ ߸ ߡߍ߲ ߓߊ߯ ߊ߬ ߛߐ߬ߘߐ߲߬ ߞߏ߬ߞߏ߫ ߏ߬ ߟߋ ߊ߬ ߡߊߡߎ߲߬ ߠߴߊ߬ ߖߍ߬ߘߍ ߟߊ߫ ߓߎߙߊ߲ ߠߊ߫ ߞߍ߬ ߸ ߞߵߊ߬ ߖߘߍ߬ ߟߊ߫ ߝߊߘߌߦߊߓߐ ߓߌ߬ߟߴߊ߬ ߞߊ߲ߠߊ߫، ߊ߬ ߞߍߣߍ߲ ߓߍ߯ ߟߴߏ߬ ߕߊ ߘߌ߫ ߕߐ߭ ߟߎ߬ ߢߣߊ߫ ߏ߬ ߘߌ߫.

ߞߏ߬ߣߌ߲߬ ߕߎ߬ߓߊ߬ߓߎ߬ߞߍ ߟߊߣߊ߭ ߒ߬ ߓߘߊ ߦߊ߲߬ ߸ ߏ߬ ߦߋ߫ ߗߍ߬ߣߍ߲ ߗߌ߬ߦߊ߬ߣߍ߲ ߣߌ߫ ߢߊ߬ߡߊ ߟߎ߬ ߕߍ ߟߋ߬ ߘߌ߫ ߸ ߡߍ߲ ߊ߬ ߘߌߦߊߣߊ߲߫ ߝߋ߲ ߦߋ߫ ߟߊ߫ ߞߐ߬ߡߐ ߓߟߏ߫ ߞߊ߬ߣߌ߲߫ ߞߵߊ߬ ߞߍ߫ ߦߏ߫ ߬ߟߋ ߖߍ߬ߘߍ ߡߊ߬ߞߏ߬ ߕߴߏ߬ ߟߊ߫ ߸ ߞߵߊ߬ ߕߘߍ߬ ߖߐ߫ ߊ߰ ߞߐ߬ߡߐ ߡߊߣߍ߲߮ ߣߴߊ߬ ߡߊߣߍߙߍ߲ ߝߍ߬ߙߍ ߟߎ߫ ߟߋ߬ ߘߐߓߍ߲߭ ߞߊ߲߬ ߊ߬ ߣߴߊ߬ ߘߌߦߊߣߊ߲߫ ߝߋ߲ ߛߐ߬ߘߐ߲߬ߕߐ߫ ߜߟߋ߬ߞߋ ߏ߬ ߟߊ߫ ߢߊ ߡߍ߲ ߞߵߊ߬ ߕߘߍ߬ ߏ߬ ߡߊ߫ ߞߍ߫ ߏ߬ ߞߊ߬ߟߊߡߊ߬، ߸ ߏ߬ ߓߟߏߡߊ߬ ߬ߟߋ ߡߊ߬ߞߏ ߘߌ߫ ߢߊ߬ ߞߊ߬ ߞߐ߬ߡߐ ߡߊ߬ߞߏ ߛߵߊ߬ ߓߟߏߝߋ߲ ߕߟߊ ߘߐ߫ ߊ߬ ߟߊ߫ ߗߋ߬ߥߎ ߓߟߏ߫ ߸ ߊ߬ߟߎ߬ ߕߍ ߘߏ߲߬ ߝߣߊ߫ ߡߊ߫ ߕߌߢߍ߫..

ߣߌ߲߬ ߞߘߐ ߓߍ߯ ߞߊ߫ ߘߌ߫ ߕߎ߬ߓߊ߬ߓߎ ߟߋ߬ ߟߊ߫ ߸ ߓߊߏ߬ ߊ߲ ߓߍ߯ ߡߐ߱ ߟߋ߬ ߘߌ߫ ߸ ߊ߲ ߝߣߊ߫ ߣߊ߬ ߗߌ߬ߦߊ߬ ߟߏ߲ߘߏ߫، ߞߏ߬ߣߌ߲߬ ߦߊ߬ߣߴߏ߬ ߕߍ߫ ߝߋ߲-ߋ-ߝߋ߲߫ ߘߌ߫ ߞߍ߫ ߬ߟߋ߬ ߟߊ߫ ߓߣߊ߬ߦߊ ߛߌߟߊ߫ ߘߌ߫ ߊ߬ ߣߴߊ߬ ߟߊ߫ ߝߊ߲ߞߡߊ߬ߦߊ ߓߊ߯ߙߊ ߣߌ߫ ߞߏߟߐ߲ ߣߌ߫ ߞߌ߬ߛߍ߬ߦߊ ߘߐ߫ ߸ ߝߏ߫ ߊ߰ ߏ߬ ߓߍ߯ ߟߋ߬ ߡߊߡߌ߬ߣߊ߬ ߡߎߣߎ߲߬ ߞߵߏ߬ ߞߍ߫ ߊ߬ ߕߊ ߘߌ߫ ߸ ߤߊߟߴߏ߬ ߓߊ߯ ߓߍ߲߬ ߌ ߕߊ ߣߴߌ ߛߎ߲ ߠߋ߬ ߡߊ߬ ߌ ߞߊ߬ ߡߍ߲ ߕߊ߬ ߌ ߝߊ߬ ߗߍ ߘߐ߫ ߊߟߎ߫ ߓߘߊ ߸ ߊ߬ ߛߐ߲߬ߣߍ߲߫ ߞߵߏ߬ ߞߍ߫ ߊ߬ ߕߊ ߘߌ߫ ߢߊ ߘߏ߫ ߞߊ߲߬ ߸ ߏ߬ ߢߌߣߌ߲ߣߍ߲߫ ߕߍ߫ ߞߏ߫ ߝߏ߫ ߌߟߋ ߦߋ߫ ߘߌ߬ߢߍ߫ ߞߵߊ߬ ߘߴߊ߬ ߡߊ߬، ߞߏ߬ߣߌ߲߬ ߌ ߕߍ߫ ߊ߬ ߟߐ߲߫ ߠߊ߫ ߞߴߌ ߞߋߟߋ߲߫ ߘߍ߬ ߕߍ߫ ߝߏ߫ ߌ ߓߊ߯ ߞߍ߫ ߊ߬ ߞߍ߫ ߟߴߌ ߛߊ߬ߥߏ ߘߌ߫ ߟߏ߲ ߡߍ߲ ߌ ߞߌ߬ߦߊ ߞߐ߫، ߤߋ߯.. ߘߎߢߊ߫ ߘߌ߫ ߞߏߟߐ߲߫ ߏ߬ ߘߐ߫ ߏ߬ ߟߏ߲،..

ߣߌ߲߬ ߠߵߊ߬ ߞߍ߫ ߟߊ߫ ߕߎ߬ߓߊ߬ߓߎ ߤߊ߲ߞߟߌ ߥߊ߬ߙߊ ߣߴߊ߬ ߝߍ߬ߙߍ ߛߌߦߊߦߊ ߡߊ߬ ߸ ߊ߬ ߟߊ߫ ߣߝߊ߬ ߞߏ ߏ߬ ߡߊ߫ ߞߏ߫ ߛߌ߫ ߟߊߕߏ߫ ߢߊߢߌߣߌ߲߫ߓߊߟߌߦߊ ߘߐ߫، ߊ߬ ߓߍ߯ ߝߣߊ߫ ߦߋ߫ ߞߍ߫ ߟߊ߫ ߕߐ߮ ߡߍ߲ ߞߘߐ߫ ߡߐ߰ ߛߌ߫ ߕߍ߫ ߊ߬ ߓߊ߲߬ ߏ߬ ߡߊ߬ ߸ ߓߊߏ߬ ߡߐ߰ߦߊ ߟߊߛߓߊ߬ߕߌ ߟߋ߬ : ߊ߬ ߟߐ߲ߞߏ ߸ ߊ߬ ߡߟߋߞߎߦߊ ߸ ߊ߬ ߖߏ߯ߦߊ ߸ ߊ߬ ߞߊ߬ߞߘߐ ߸ ߊ߰ ߊ߬ ߡߙߌ߫ ߟߊ߫ ߢߊ ߡߍ߲ ߸ ߞߊ߬ ߕߊ߯ ߏ߬ ߢߊ، ߏ߬ ߟߋ ߓߘߴߊ߬ ߞߍ߫ ߒߞߏ ߓߘߊ߫ ߞߊ߬ߙߊ߲ ߘߊߡߌ߬ߣߊ߬ ߘߎߢߊ߫ ߖߊ߯ߓߘߊ ߟߎ߬ ߟߊ߫ ߓߌ߬ ߸ ߞߵߊ߬ ߕߘߍ߬ ߊ߰ ߝߐ߫ ߟߊ߫ ߞߏ߫ ߝߘߊ߬ߝߌ߲ ߡߍ߲ ߠߎ߬ ߓߘߊ߫ ߞߎߣߎ߲߫ ߝߏ߫ ߞߊ߬ ߛߓߍߛߎ߲ ߛߐ߬ߘߐ߲߬ ߸ ߊ߬ߟߎ߬ ߘߐ߫ ߞߎߣߎ߳ߣߍ߲ ߏ߬ ߡߐ߰ ߞߊ߬ߙߊ߲ߣߍ߲ ߠߎ߬ ߡߊ߫ ߛߋ߫ ߛߓߍߟߌ ߏ߬ ߞߊ߬ߙߊ߲߬ ߞߏ ߢߊߦߋ߫ ߟߴߊ߬ߟߎ߬ ߟߊ߫ ߖߊ߯ߓߘߊ ߟߎ߬ ߟߊ߫ ߡߎߣߎ߲߬، ߞߐ ߣߌ߲߬ ߠߊ߫ ߝߏ߫ ߝߊ߬ߙߊ߲ߛߌ߫ ߓߘߊ߫ ߣߵߊ߲ ߘߏ߫ ߕߊ߬ ߞߊ߬ ߕߊ߯ ߊ߬ ߘߋ߲ ߣߴߊ߬ ߟߊߘߋ߲ ߠߎ߬ ߟߊߓߌ߬ߟߊ߬ ߒߞߏ ߟߐ߲ߞߏ ߟߎ߬ ߘߏ߫ ߟߊ߫، ߞߏ߬ߣߌ߲߬ ߏ߬ ߛߌ߫ ߡߴߊ߲ ߗߌ߬ߦߊ߬.. ߕߎ߬ߓߊ߬ߓߎ ߞߏ߬ߣߌ߲ ߖߏ߫ ߟߋ߬ ߘߋ߬ ߸ ߊ߰ ߊ߬ߟߎ߬ ߓߍ߯ ߟߊߡߊ߲߬ߘߌ߫ ߒ߬ ߧߍ߫ ߏ߬ ߛߊ߲ ߸ ߓߊߏ߬ ߊ߲ ߕߊ ߟߋ߬ ߟߐ߲ߞߏ ߟߎ߬ ߘߌ߫ ߸ ߊ߲ ߓߍ߯ ߞߊ߬ߣߝߌ߲߫ ߸ ߡߍ߲ ߓߊ߯ ߊ߬ ߖߌߖߵߊ߬ ߡߊ߬ ߟߏ߲ ߡߍ߲ ߊ߰ ߏ߬ ߓߟߏ߫ ߖߊ߬ߡߊ ߟߋ߬ ߢߍ߫، ߌ ߡߴߊ߬ ߦߋ߫ ߟߐ߲ߠߌ߲߫ ߛߌ߫ ߕߐ߬ߣߐ߫ ߘߊ߲ߣߍ߲߬ ߕߍ߫ ߊ߬ ߛߌ߲ߘߌߟߊ ߡߊ߬ ߸ ߒ߬ߓߊ߬ ߏ߬ ߦߋ߫ ߘߊ߬ߟߎ߬ ߞߍ߲ߘߍ߫ ߟߋ߬ ߘߌ߫ ߡߍ߲ ߊ߬ ߦߌ߬ߘߊ߬ ߟߊ߫ ߞߏ߫ ߓߍ߯ ߕߊ ߟߋ߬ ߸ ߓߊߏ߬ ߊ߰ ߞߍ߫ ߟߊ߫ ߓߍ߯ ߟߋ߬ ߢߍ߫.

ߔߊ߬ߙߌ߫..   ߓߌߟߏ߲/ ߓߌ߲ߠߊߥߎߟߋ߲ ߅߂/߁߀߀߂، ߞߙߎ߬ߞߊ߲ߝߎߥߊ߫ ߅߆߇      ߒ ߞߊ߬ߙߊ߲ߡߐ߰ ߓߘߍ ߓߊ߬ߓߊ߫ ߖߊ߰ߣߍ߫

ߒ ߞߵߌ ߟߊ߫ ߗߋߛߓߍ ߛߐ߬ߘߐ߲߬، ߞߵߊ߬ ߞߣߐ߫ ߞߎߡߊ ߓߍ߯ ߟߊߘߍ߬ߣߍ߲ ߝߊ߰ߡߎ߲߬، ߒߞߏ ߕߊ߯ߡߊ ߛߋ߫ ߘߴߊ߬ ߘߊ߲߭ ߠߊ߫ ߛߌߛߍ߲߬، ߊߟߊ߫ ߏߔ ߞߐ߫ ߞߊ߬ߙߊ߲ߡߐ߯ ߛߟߏ߬ߡߊ߯ߣߊ߫ ߟߊ߫ ߕߌ߲ߞߌ ߛߘߊߘߐ߫ ߸ ߒ ߠߊ߫ ߕߊ߯ߡߊ ߣߌ߲߬ ߞߍ߫ ߘߊ߫ ߟߊ߬ߥߛߊ ߖߍ߬ߘߍ ߘߌ߫ ߊ߬ ߢߊ ߓߍ߯ ߡߊ߬. ߣߌ߫ ߊߟߓߊ ߘߌ߬ߢߍ߬ ߘߊ߫ ߒ ߘߌ߫ ߛߊ߬ߦߌ߲߫ ߓߡߊ߬ߞߐ߫ ߞߍ߲ߘߍߟߏ߲ ߁،߇߂،߁߀߀߂ ߠߊ߫.ߊ  ߒ ߠߊ߫ ߓߊ߯ߙߊ ߕߎ߲߬ ߢߍߛߌ߲ߣߍ߲߫ ߕߘߍ߬ ߒߞߏ ߦߌ߬ߘߊ ߣߴߊ߬ ߟߊ߫ ߞߎ߲߬ߕߋ߬ߟߋ߲߬ߠߊ ߟߎ߫ ߦߌ߬ߘߊ ߟߋ߬ ߘߌ߫، ߊ߬ ߣߌ߫ ߊ߲ ߓߌ߬ ߕߋ߬ߟߋ ߣߌ߲߬ ߘߐ߫ ߊ߬ ߟߐ߬ߦߙߐ ߦߋ߫ ߡߍ߲ ߘߌ߫.  ߣߌ߫ ߒ ߘߏ߲߬ ߘߊ߫ ߓߡߊ߬ߞߐ߫ ߒ ߘߌ߫ ߞߎ߲߬ߠߊ߬ߝߎߟߋ߲ ߘߐ߫ ߥߙߍ߫ ߟߊߛߴߌ ߡߊ߬. ߒ ߞߏ߬ߣߌ߲ ߞߊ߬ ߡߌ߲ ߝߊ߰ߡߎ߲߫ ߸ ߕߎ߬ߓߊ߬ߓߎ ߟߎ߬ ߓߘߊ߫ ߛߙߋߦߊ߫ ߞߏ߫ ߒߞߏ ߕߴߛߋ߫ ߡߟߊ߫ ߟߊ߫ ߘߎߢߊ߫ ߟߐ߲ߞߏ ߟߎ߬ ߣߌ߫ ߟߐ߲ߠߌ߲ߧߊ ߟߎ߬ ߘߐ߫ ߡߎ߰ߡߍ߫، ߏ߬ ߕߍ߫ ߞߍ߫ ߟߊ߫ ߝߋߎ߫. ߒ ߞߊ߬ ߛߓߍߘߊ ߘߏ߫ ߛߌ߰ ߛߋ߲߬ߞߊ߲߬ ߔߊ߬ߙߌ߫ ߦߊ߲߬، ߣߌ߫ ߖߊ߯ߓߊ ߟߎ߫ ߡߊ߰ߙߌ ߘߌ߬ߢߍ߬ ߘߊ߫ ߒ ߘߴߏ߬ ߖߌ߬ߦߊ߬ߓߍ ߘߏ߫ ߟߎ߫ ߟߊߥߴߌ ߡߊ߬ ߊ߬ ߣߌ߫ ߘߏ߫ ߜߘߍ߫ ߟߎ߫. ߡߙߌ ߡߍ߲ ߦߋ߫ ߒ ߠߊ߫ ߓߌ߬ ߕߋ߲߬ߕߋ߲߬ ߏ߬ ߟߋ ߝߏ߫ ߒߞߏ ߘߍ߬ߞߙߎ ߓߍ߯ ߦߋ߫ ߘߍ߬ ߞߊ߬ ߢߐ߲߮ ߦߋ߫ ߞߊ߬ ߘߎ߲ߓߎ߫ ߞߏ ߢߊߢߌߣߌ߲߫ ߠߋ߬ ߕߘߋ߫.  ߒ ߞߊ߬ߙߊ߲ߡߐ߯ ߒ ߧߋ߫ ߊߟߊ߫ ߕߙߊ߫ ߟߊ߫ ߒ ߠߊ߫ ߗߋߛߓߍ ߣߌ߲߬ ߦߴߌ ߣߌ߫ ߓߊߘߋ߲ ߠߎ߬ ߣߌ߫ ߓߊ߯ߙߊߢߐ߲߮ ߓߍ߯ ߛߐ߬ߘߐ߲߬ ߒ ߕߊ߫ ߤߙߊ ߣߴߊߟߊ߫ ߕߊ߲ߘߏ ߢߐ߲߰ ߘߐ߫.    ߌ ߓߊߘߋ߲߫ ߓߘߍ ߊߘߡߊ߫ ߞߎ߲߬ߝߍ߬ߞߏ߫ ߕߙߊߥߟߋ߫.